Έναν Δεκαπενταύγουστον και Κερεκήν ημέραν…15-8-10

Οσήμερον τρανόν χαρά, πουλία κελαϊδούνε,

ο Πατριάρχης λουτρουά, αγγέλ’ συλλειτουργούνε.

Εμέρωσεν η Κερεκή, ημέρεψεν ο τόπον,

εχάραξεν ανατολή, εφώταξεν ο Πόντον.

Σην Παναΐαν Σουμελά, καμπάνας ξανακρούνε,

κρούνε γλυκέα – δυνατά, τ’ορμάνια αντιβοούνε.

Γλυκέα παίζ’ η κεμεντζέ, ευτάει την ψ’ήν κομμάτια,

τρα(γ)ώδεσεν ο Γούμενον, εδάκρυσαν τ'ομμάτια.

Η Τραπεζούντα η κυρά, ’κοδέσποινα – καλέσσα,

η Παναΐα Σουμελά, η μάνα, η τρανέσσα.

Copyright© 2010                                            Μεσαρέτες