Μεσαρέτες: -Σην Παναΐαν Σουμελά-

Τετάρτη 15 Αυγούστου 2012

Οσήμερον τρανόν χαρά

πουλία κελαϊδούνε,

σην Παναΐαν Σουμελά

αγγέλ’ συλλειτουργούνε.

Σην Παναΐαν Σουμελά

καμπάνας ξανακρούνε,

κρούνε γλυκέα – δυνατά

τ’ορμάνια αντιβοούνε.

Άμα τερείς ολόερα

όλια ερημαγμένα,

ο κόσμον όλ’ προσεύκουνταν

απάν’ σα χαλαμένα.

Ράχια και ραχιοκέφαλα

σα λίβια απέσ’ κρυμμένα,

πυκνώστεν τα τσιτσέκια σουν

στολίστεν τα ρουγμένα.

Η Παναΐα Σουμελά

Ελεύτερος για σκλάβα,
όλον τον κόσμον βοηθά

"Αφέντρα" έτον πάντα.

Μεσαρέτες