- Η έμορφεσσα η γαρή -

Ποντιακά : Η έμορφεσσα η γαρή, έν’ άμον το αυτοκίνητον τ’ακριβόν, καθείς να οδηγά’το ’κ’επορεί, έχ’ βαρέα έξοδα σον οδηγόν. Οι γυναίκ’, ντύουνταν :  Για τ’ομμάτια τη γυναικών, για να ζελεύ’ν’ατς, και εγδύουνταν : Για τ’ομμάτια τ’αντρών, για να καντουρεύ’ν’ατς. Τ’αχάντ’ ομάζ’ με την γαρήν, γριβών’ εύκολα απάν-ι-σ’, τσετίνια φεύ’ και πάντα αφίν’ γεράδες σο…κιφάλ-ι-σ’. Άμα ! οσπίτ’ χωρίς γαρήν πέσκος δίχως φωτίαν, Ομάζ’ σο κρύον το φουρνίν που ’κ’έψαν ατό καμίαν. Γαρή άν κλαίει, λέει το ρητόν : " Tα δάκρα α’σή γυναίκ’ς, είν’ έναν πράμαν εφτενόν με κέρδος…ακριβόν ". Αρ’αέτσ’ ! Την έμορφεσσαν την γαρήν τέρεν να αγαπάς ατεν, και μ’ογρασεύ’ς μερονυχτί’ εσύ να… εγροικάς ατεν. Από το βιβλίο μου : Ποντιακοί Στοχασμοί       Δaρμενείας - Μασχαρείας - Τραγωδίας             Copyright© 2006

Ερμηνεία : Το όμορφο το θηλυκό, είναι όπως το αυτοκίνητο το ακριβό, ο καθένας δε μπορεί να οδηγήσει αυτό, έχει βαριά έξοδα στον οδηγό. Οι γυναίκες, ντύνονται : Για τα μάτια των γυναικών, για να τους κάνουν να ζηλέψουν, και ξεντύνονται : Για τα μάτια των ανδρών, για να τους σαγηνέψουν. Το αγκάθι μοιάζει το θηλυκό, που πάνω σου εύκολα κολλά, φεύγοντας, πάντα αφήνει αυτό, πληγές που θέλουν γιατρειά. Όμως ! δίχως γυναίκα σπιτικό μοιάζει σόμπα σβησμένη, όπως το φούρνο τον ψυχρό με πόρτα κλειδωμένη. Γυναίκα όταν κλαίει, λέει το ρητό : "Tα δάκρυα απ’τη γυναίκα, ειν’ ένα είδος πολύ φθηνό με κέρδος … ακριβό". Έτσι λοιπόν ! Το όμορφο το θηλυκό κοίτα να τ’αγαπήσεις, και μην κοιτάς με το μυαλό να το… κατανοήσεις.                                             Μεσαρέτες