- Τα δανεικά -

Ποντιακά

- Τα δανεικά -

Άμα αραεύ’ς για δανεικά

πίκρας και πόνια ψαλαφάς,

με δανεικά και ξενικά

αυλάκ’ εσύ ’κί θα εβγάλλτς.

Άμα δεβάεις και τα γραφτά,

γράφ’νε ορθά και καθαρά :

" Καλλίων να φορείς τ’εσόν

εμπαλιγμένον πανταλόν παλιόν

α’σό καινούρ’ και δανεικόν ".

Άκ’σον και τ’άλλο τη κοσμί’

για άνθρωπον που ’κ’επορεί

και πάει σην ψαλαφίαν :

" Το χρέος-σ-ι-ς ημπορεί να εξοφλίεις ατο, μίαν.

Την υποχρέωση σ’…καμμίαν ".

₪

Ερμηνεία

- Τα δανεικά -

Όταν γυρεύεις δανεικά

πίκρες και πόνους αναζητάς,

με δανεικά και ξενικά

το μέλλον σου δε μεριμνάς.

Εάν διαβάζεις και τα ρητά,

γράφουν ορθά και καθαρά :

" Κάλλιο δικό σου να φοράς

με μπάλωμα ρούχο παλιό

παρά καινούργιο δανεικό ".

Άκου και το άλλο το ρητό

για άνθρωπο που ξεκινά

και πάει στη ζητιανιά :

" Το χρέος σου μια μέρα θα το πληρώσεις.

Την υποχρέωση δεν πρόκειται ποτέ να ξεχρεώσεις ".

₪