- Εμέν’ κανείς ’κ’εράεψεν -

Ποντιακά : - Εμέν’ κανείς ’κ’εράεψεν - ₪ Εμέν’ κανείς ’κ’εσάεψεν, κανείς ’κ’εσυλλογιάστεν, εμέν’ κανείς ’κ’εράεψεν, κανείς εμέν’ ’κ’εννοιάστεν. Ενέσπαλ’εμε και ό Θεόν, μονάχος υποφέρω, ν’αϊλί ! Eμέν’ τον εφτωχόν, άλλο να ζώ ’κί θέλω. Άν ’κ’αραεύν’εσε κανείς, άμα κανείς ’κί θέλ’τσε, συχνά–πυκνά παρακαλείς ο θάνατον να παίρ’τσε. Εμέν’, μάνα ’κ’εγέννεσεν, εμέν’, Θεός ’κ’εποίκεν, εμέν’, κανείς ’κ’επόνεσεν, κανείς εμέν’ ’κ’εγροίκ’σεν. ₪ Από το βιβλίο μου : Ποντιακοί Στοχασμοί       Δaρμενείας - Μασχαρείας - Τραγωδίας                    Copyright© 2006

Ερμηνεία : - Κανένας δε με γύρεψε - ₪ Κανείς δε με υπολόγισε, κανείς δε με λογίστηκε, κανένας δε με γύρεψε, κανείς δε με λυπήθηκε. Με ξέχασε και ο Θεός μόνος μου υποφέρω, αλί ! Σε μένα το φτωχό άλλο να ζω δε θέλω. Αν δε ζητάει πια κανείς φίλο για να σε κάνει, συχνά – πυκνά παρακαλείς ο χάρος να σε πάρει. Εμένα, μάνα δε γέννησε δε μ’έπλασε ο πλάστης, στο δρόμο μου δε βρέθηκε κανείς συμπαραστάτης. ₪                                        Μεσαρέτες