-Ο σημερ’νόν ο πολιτικόν-

Ποντιακά  -Ο σημερ’νόν ο πολιτικόν- ₪ Σον πόλεμον και σην πολιτικήν, πρέπ’ να ελέπς μακρά, έργα ντ’ευτάς οσήμερον,  θα φαίνταν υστερ’νά. Πολιτικάντ’  π’ελέπ’νε σουμά, περ’μένε τ’άλλα εκλογάς, Πολιτικοί π’ελέπ’νε σα μακρά, νουνίζ’νε τ’άλλα γενεάς. Ένας σωστός πολιτικός, ευτάει ορθόν δουλείαν, αν ’κ’έν’ σε ούλτς αγαπητός … έτερον ιστορίαν. Ο σημερ’νόν ο πολιτικόν ’κ’ευτάει καλά δουλείας τερείς αδά, τερείς εκεί, παντού διαολοδουλείας. Ατείν αέτς πως κυβερνούν ’κ’εξέρνε ντο ευτάγ’νε! στραβά τη χώραν οδηγούν σην ευτωχείαν πάγ’νε. Εμείς θα έχομε ση γήν,  έμορφα πολιτείας, άμα δουλεύ’νε  οι πολιτικοί  χωρίς διαολοδουλείας. Αλλέως θα ψηφίζ’νε πολλοί,  ολίγ’ θα εγροικούνε, σα υπουργεία θα είν’ οι λωλοί  και… ξέν’ θα κυβερνούνε! ₪ Από το βιβλίο μου : Ποντιακοί Στοχασμοί       Δaρμενείας - Μασχαρείας - Τραγωδίας                    Copyright© 2006

Ερμηνεία -Ο σημερινός Πολιτικός- ₪ Στον πόλεμο και στην πολιτική πρέπει να βλέπεις μακριά, έργα που κάνεις σήμερα ο κόσμος θα τα δει μετά. Πολιτικάντηδες που βλέπουνε κοντά, προσμένουν τις άλλες εκλογές. Πολιτικοί που βλέπουν μακριά, θωρούν τις άλλες γενεές. Ένας σωστός πολιτικός χαράζει σωστή πορεία, αν δεν είναι σ’ όλους αρεστός, αυτή …άλλη ιστορία. Ο σημερινός πολιτικός μπέρδεψε εργασίες, κοιτάς εδώ κοιτάς εκεί παντού παρανομίες. Έτσι αυτοί που κυβερνούν μπροστά τους δεν κοιτάνε! στραβά τη χώρα οδηγούν στη φτώχεια θα μας πάνε. Εμείς θα έχομε στη γη,   όμορφες πολιτείες, όταν δουλεύουν οι πολιτικοί χωρίς παρανομίες. Αλλιώς θα ψηφίζουνε πολλοί  λίγοι θα κατανοούνε, στα υπουργεία θα είναι οι μουγγοί  και …ξένοι  θα  διοικούνε! ₪                                            Μεσαρέτες